Կարեն Կարապետյանը Կառավարության հերթական նիստում հանձնարարական է տվել ապրանքների ներմուծման կամ արտահանման դեպքում տնտեսվարողների կողմից ներկայացվելիք փաստաթղթերի ուսումնասիրության ընթացակարգի վերաբերյալ.
«Տնտեսվարողները մինչև փորձաքննության գործընթացը պարտավոր են են մի շարք մարմինների համապատասխան փաստաթղթեր ներկայացնել: Յուրաքանչյուր մարմին փաստաթղթերի ուսումնասիրումն իրականացնում է որոշակի վարչարարությամբ և տևողությամբ: Արձանագրված թերություների շտկման գործընթացը ժամակնակատար է և դժվարություններ է առաջացնում:
Հաշվի առնելով դա՝ հանձնարարում եմ Տնտեսական զարգացման և ներդրումների, Գյուղատնտեսության, Բնապահպանության և Առողջապահության, Տրասնպորտի, կապի և տեղեկատվական տեխնոլոգիաների նախարարություններին, Պետեկամուտների Կոմիտեի նախագահին, Թվային Հայաստան ընկերության տնօրենին և առաջարկում եմ Առևտրաարդյունաբերական պալատի նախագահին 2 ամսյա ժամկետում մշակել և Կառավարության աշխատակազմ ներկայացնել գործունեության ծրագիր : Այն պետք է մեկ միասնական՝ էլեկտրոնային tradegov.am հարթակի միջոցով ապահովի ապրանքների ներմուծման և արտահանման փաստաթղթերի նախնական հայտարագրման փուլը՝ նախատեսելովիրականացնել դա պետական մարմինների գործունեության հանրամատչելի և պարզեցված կարգով»:
