Թեհրանը Հայաստանի հետ գազի առևտուրը խորացնելու պատրաստակամություն է հայտնել: Ինչպես գրում է «FARS» գործակալությունը՝ այդ մասին հայտարարել է Իրանի ազգային գազային ընկերության գործադիր տնօրեն Համիդռեզա Արաղին:
«Իրանի և Հայաստանի միջև «ապրանք՝ գազի դիմաց» գործարքից բացի՝ Թեհրանը պատրաստ է դեպի Երևան գազի արտահանման ծավալները մեծացնել»,- ասել է նա:
Գործարքի համաձայն՝ Իրանը բնական գազի յուրաքանչյուր 1 մլն/խմ դիմաց 3 կՎտ/ժ էլեկտրաէներգիա է ստանում Հայաստանից :
«Իրանը պատրաստ է Հայաստան արտահանման գազի ծավալները մեծացնել: Արտահանման խողովակաշարերը բավականաչափ հզոր են, բայց հայկական կողմը չի կարող դրա դիմաց ավելի շատ էլեկտրաէներգիա տրամադրել»,- ասել է Արաղին:
Խոսելով երկու հարևան երկրների միջև իրանական գազի արտահանման ծավալներն ավելացնելու շուրջ բանակցությունների մասին՝ Արաղին նշել է, որ հայկական մասնավոր և պետական հատվածները կարող են Իրանից ավելի շատ գազ գնելու առաջարկով հանդես գալ:
«Մենք պատրաստ ենք նրանց բնական գազ մատակարարել, եթե դրա դիմաց կարողանան վճարել»,- ընդգծել է նա:
Vesti.am
