Հայաստանի ազգային հավաքականի և «Ուրալի» հարձակվող Էդգար Մանուչարյանը «Наша Газета»-ի ներկայացուցչի հետ այցելել է Եկատերինբուրգի «SteakHouse» ռեստորան: Հայ ֆուտբոլիստը ռեստորանի ավագ խոհարար Միխայիլ Առաքելովի հետ պատրաստել է իր սիրելի ուտեստը` տոլման: armsport.am-ը ներկայացնում է ֆուտբոլիստի հարցազրույցը:
- Մենք` հայերս, սիրում ենք համեղ ուտեստներ: Ամռանը մեզ մոտ ամեն ինչ համեղ է` բանջարեղենը, պանիրը, լավաշը, խորովածը, տոման, այն` ինչ կցանկանաք: Մեկ անգամ կժամանես Հայաստան, կհամտեսես և չես ցանկանա հեռանալ:
- Դուրս է գալիս, որ պետք է արտասանել «տոլմա», այլ ոչ թե «դոլմա»։
- Մենք ասում ենք «տոլմա»։
- Դա ամենօրյա՞ ուտեստ է, թե՞ պատրաստվում է հատուկ դեպքերում:
- Ես տանը հազվադեպ եմ լինում: Եվ, իհարկե, երբ Հայաստանում եմ լինում, մայրս պատրաստում է, որպեսզի համը չմոռանամ:
- Սիրո՞ւմ եք այս ուտեստը:
- Կարծում եմ` Հայաստանում բոլորն են սիրում: Ինձ դուր է գալիս, երբ այն պատրաստում է տատիկս: Չեմ հանդիպել որևիցե մեկի, ով տոլմա չսիրի կամ ասի, որ այն համեղ չէ:
- Ի՞նչ կգտնենք քո սառնարանում:
- Յոգուրտներ, կաթ, պանիր, աղցաններ:
- Քաղցրավենիքից ինչ-որ բան կա՞:
- Ոչ: Տանը հազվադեպ եմ քաղցր օգտագործում: Երբեմն, երբ արթնանում եմ ուշ երեկոյան, քաղցրի պահանջ եմ զգում: Վատն այն է, որ տանը քաղցր չի լինում:
- Կծո՞ւ, թե՞ քաղցր:
- Կծու:
- Մի՞ս, հա՞վ, թե՞ ձուկ:
- Ամեն ինչ սիրում եմ, սակայն` ավելի շատ միս:
- Տապակա՞ծ, թե՞ եփած:
- Տապակած:
- Սա՞ռը, թե՞ տաք:
- Իհարկե սառը, նույնիսկ ձմռանը:
- Բանջարեղե՞ն, թե՞ մրգեր:
- Մրգեր:
- Սո՞ւրճ, թե՞ թեյ:
- Սուրճ, չնայած, որ նախկինում չէի խմում: Սկսել եմ սիրել վերջին 2-3 տարիներին:
Հիշեցնենք, որ մայիսի 20-ին Արարատի մարզի Հնաբերդ գյուղում կայացել է տոլմայի համահայկական 7-րդ փառատոնը:
