38-ամյա ոստիկան Բիբիանա Շտայնհաուսը որպես մրցավար կաշխատի Գերմանիայի հաջորդ առաջնությունում:

Ինչպես տեղեկացնում է Գերմանիայի ֆուտբոլային միության կայքը, երկրի առաջնությունների պատմության մեջ առաջին անգամ այդ պաշտոնում հանդես կգա կինը: Հաջորդ մրցաշրջանի մրցավարների ցուցակը հրապարակվել է մայիսի 19-ին:

Շտայնհաուսի հիմնական աշխատավայրը Հանովեր քաղաքի ոստիկանությունն է: 1999-ից ի վեր նա նաև Գերմանիայի ֆուտբոլային միության մրցավար է: Նախկինում նա աշխատել է երկրի երկրորդ դիվիզիոնի հանդիպումների ժամանակ, ինչպես նաև սպասարկել է կանանց աշխարհի առաջնությունների հանդիպումները:

Vesti.am