Ռուսաստանի փոխարտգործնախարար Միխայիլ Գալուզինը նոյեմբերի 3-ին հանդիպել է Ռուսաստանում Հայաստանի դեսպան Գուրգեն Արսենյանի հետ։ Հանդիպման արդյունքներով հայ դիվանագետը պարգևատրվել է ՌԴ ԱԳՆ-ի «Համագործակցության համար» կրծքանշանով, հայտնել են գերատեսչության մամուլի ծառայությունից։

Ինչպես հայտնել է Ռուսաստանի արտաքին քաղաքական գերատեսչությունը, կողմերը քննարկել են երկկողմ և տարածաշրջանային օրակարգի մի շարք հարցեր։

Գուրգեն Արսենյանը պարգևը ստացել է ռուս-հայկական հարաբերությունների զարգացման և ամրապնդման գործում ունեցած ավանդի համար։