ՊՍԺ-ն նվաճեց Չեմպիոնների լիգայի գավաթը։

Բուդապեշտում կայացած եզրափակչում, 11-մետրանոց հարվածաշարում փարիզյան ակումբը հաղթեց Լոնդոնի «Արսենալ»-ին։ ՊՍԺ-ն Չեմպիոնների լիգայում հաղթում է երկրորդ տարին անընդմեջ։

Հանդիպման հիմնական և լրացուցիչ ժամանակներն ավարտվեցին 1:1 հաշվով, իսկ հետխաղյա 11-մետրանոց հարվածաշարում Լուիս Էնրիկեի թիմը հաղթեց 4:3 հաշվով:

Հանդիպումը մեկնարկեց լոնդոնցիների ակտիվությամբ, ինչն անմիջապես տվեց իր արդյունքը։

6-րդ րոպե. «Արսենալի» գերմանացի հարձակվող Կայ Հավերցը բացեց խաղի հաշիվը՝ առաջ մղելով իր թիմին:

65-րդ րոպե. փարիզյան ակումբին հաջողվեց վերականգնել հավասարությունը երկրորդ խաղակեսում. 11-մետրանոցն անվրեպ իրացրեց Ուսման Դեմբելեն:

Քանի որ հիմնական և լրացուցիչ ժամանակներում նոր գոլեր չգրանցվեցին, հաղթողը որոշվեց ֆուտբոլային վիճակախաղում։ 11-մետրանոց հարվածաշարում ավելի դիպուկ ու սառնասիրտ գտնվեցին ՊՍԺ-ի ֆուտբոլիստները՝ հաղթելով 4:3 հաշվով։