Այսօր՝ փետրվարի 28-ին, ավտովթար է տեղի ունեցել Կոտայքի մարզում։ Ժամը 15։25-ի սահմաններում Չարենցավան-Ալափարս ավտոճանապարհին՝ Ալափարսի խաչմերուկում բախվել են Կոտայքի մարզի բնակիչներ 47-ամյա Հայկ Ու․-ի վարած «Nissan» մակնիշի  և 37-ամյա Զորիկ Ս․-ի վարած «Foton» մակնիշի ավտոմեքենաները, ինչի հետևանքով «Nissan»-ը հայտնվել է երթևեկելի գոտուց դուրս։

Ինչպես հայտնում է Shamshyan.com-ը, վթարի հետևանքով «Nissan»-ի վարորդը մարմնական վնասվածքներով տեղափոխվել է հիվանդանոց։