Ամերիկայի Միացյալ Նահանգները մեծացրել է իր ռազմական ներկայությունը Իրանի մոտակայքում՝ Եվրոպայի և Մերձավոր Արևելքի բազաներում տեղակայելով ավելի քան 150 ինքնաթիռ, հաղորդել է «The Washington Post»-ը՝ հրապարակայնորեն հասանելի թռիչքների հետևման տվյալների և արբանյակային պատկերների վերլուծությունից հետո։
WP-ը նշել է, որ տարածաշրջանում ԱՄՆ ներկայիս ռազմական ներկայությունը ամենամեծերից մեկն է 2003 թվականի Իրաքյան պատերազմից ի վեր։ Ռազմական ուժերի կուտակումը սկսվել է այն բանից հետո, երբ ԱՄՆ նախագահ Դոնալդ Թրամփը սպառնացել է հարձակվել Իրանի վրա, եթե երկու կողմերը համաձայնության չգան Իրանի միջուկային ծրագիրը սահմանափակելու վերաբերյալ։
Թռիչքների հետևման տվյալներում հայտնվող ինքնաթիռների մեծ մասը բեռնատար ինքնաթիռներ և տանկերներ են։ Ինչպես նշել է թերթը, մարտական ինքնաթիռների գտնվելու վայրի տվյալները հաճախ անջատված են, ինչը դժվարացնում է դրանց հետևումը, եթե դրանք չեն երևում արբանյակային պատկերներում։
