Մարդատար ավտոբուսը գետն է ընկել Նեպալի կենտրոնական մասում, ինչի հետևանքով զոհվել է 18 մարդ: Ինչպես հաղորդում է «Արմենպրես»-ը, այս մասին հաղորդել է The Kathmandu Post թերթը։

Ավտոբուսն ուղևորվում էր Պոքարայից Կատմանդու: Անհայտ պատճառով այն ընկել է Տրիշուլի գետը։ Ավտոբուսում եղել է ավելի քան 35 ուղևոր։

Վիրավորները տեղափոխվել են հիվանդանոց։

Փրկարարական գործողությանը մասնակցել են Նեպալի բանակի զինծառայողները, ոստիկանությունը և տեղի բնակիչները: