Կատարի, Թուրքիայի և Եգիպտոսի միջնորդները առաջարկել են Իրանի և Միացյալ Նահանգների միջև շրջադարձային բանակցությունների շրջանակ, գրել է «Ալ Ջազիրա»-ն։
Ծրագրով նախատեսվում է, որ Իրանը դադարեցնի ուրանի հարստացումը երեք տարվա ընթացքում, այնուհետև սահմանափակի դրա մակարդակը 1.5%-ից ցածր և փոխանցի իր հարստացված ուրանի պաշարները երրորդ երկրի։
Առաջարկը ներառում է նաև բալիստիկ հրթիռների օգտագործման սահմանափակումներ, տարածաշրջանային դաշնակիցների համար հրադադար, Թեհրանի ու Վաշինգտոնի միջև հնարավոր չհարձակման մասին համաձայնագիր։
Բանակցությունները, ինչպես սպասվում է, տեղի կունենան ուրբաթ օրը Օմանում՝ ԱՄՆ դեսպանորդ Սթիվ Վիտկոֆֆի և Իրանի արտաքին գործերի նախարար Աբբաս Արաղչիի մասնակցությամբ։
