Վերջին օրերին Միացյալ Նահանգներում ձնաբքի պատճառով մահացել է առնվազն 85 մարդ, ուրբաթ օրը հաղորդել է Associated Press-ը։

Ամենաշատ զոհերը գրանցվել են Թենեսի, Միսիսիպի և Լուիզիանա նահանգներում։

Ավելի վաղ հաղորդվել էր 51 մահվան մասին։

PowerOutage.com կայքի տվյալների համաձայն՝ Միացյալ Նահանգներում մոտավորապես 230 000 տնային տնտեսություններ մնում են առանց էլեկտրաէներգիայի, իրավիճակն առավել ծանր է Թենեսիում և Միսիսիպիում։

Ուրբաթ երեկոյից սկսած՝ երկրի հարավ-արևելքում կշարունակվեն ցրտահարությունը և ձյան տեղումները։