Իտալիայի առաջնության 18-րդ տուրում «Ինտերը» սեփական հարկի տակ ընդունել էր «Բոլոնիային» և վստահ հաղթանակ տարավ։ Միլանում կայացած հանդիպումն ավարտվեց 3։1 հաշվով՝ հօգուտ տանտերերի։
«Ներաձուրիների» կազմում գոլերով աչքի ընկան Պյոտր Զելինսկին, Լաուտարո Մարտինեսը և Մարկուս Տյուրամը։ Հյուրերի միակ գնդակը հեղինակեց Սանտյագո Կաստրոն։
Հանդիպմանը մասնակցեց նաև հայ կիսապաշտպան Հենրիխ Մխիթարյանը։ Նա խաղը սկսեց պահեստայինների նստարանին և խաղադաշտ դուրս եկավ երկրորդ խաղակեսի միջնամասում՝ 68-րդ րոպեին փոխարինման մտնելով։
«Ինտերն» Սերիա Ա-ում տոնեց 5-րդ անընդմեջ հաղթանակը և 39 միավորով շարունակում է միանձնյա գլխավորել մրցաշարային աղյուսակը։ «Բոլոնիան» 26 միավորով 7-րդ հորիզոնականում է։
Հաջորդ տուրում՝ հունվարի 7-ին, «Ինտերը» հյուրընկալվելիս կմրցի «Պարմայի» հետ, իսկ «Բոլոնիան» կընդունի «Ատալանտային»:
