2025 թվականը յուրահատուկ տարի եղավ ինձ համար: Մեկ տարում ես կարողացա դառնալ աշխարհի եւ Եվրոպայի չեմպիոն:

Այսպես անցնող տարին բնութագրեց հունահռոմեական ոճի ըմբիշ, Հայաստանի լավագույն մարզիկ Մալխաս Ամոյանը NEWS.am Sport-ի թղթակցի հետ :

Այս մրցաշրջանում Մալխաս Ամոյանը փայլեց բոլոր մրցահարթակներում: Ապրիլին չորրորդ անգամ նվաճեց Եվրոպայի չեմպիոնի կոչումը, իսկ սեպտեմբերին 77 կգ քաշային կարգում հավասարը չունեցավ աշխարհի առաջնությունում՝ պարտության մատնելով Օլիմպիական խաղերում իրեն հաղթած Նաո Կուսակային, որը գործող օլիմպիական չեմպիոնն է այս քաշային կարգում: