Իսրայելի պաշտպանության ուժերը հայտարարել են Հունաստանի և Կիպրոսի հետ եռակողմ ռազմական համագործակցության ծրագրի ստորագրման մասին: Իսրայելական աղբյուրների փոխանցմամբ՝ այս համաձայնագիրը, որը նախատեսված է մինչև 2026 թվականը, նպատակ ունի զսպել թուրքական ազդեցությունն Արևելյան Միջերկրական ծովում, հաղորդել է IRNA-ն:
Ծրագիրը նախատեսում է կանոնավոր համատեղ զորավարժություններ, հատուկ նշանակության ուժերի ստորաբաժանումների վարժեցում և խորհրդակցություններ բարձրագույն ռազմական հրամանատարության մակարդակով։
Այս համագործակցության հիմնական նպատակը ընդհանուր պաշտպանական կարողությունների ամրապնդումն է և երեք կողմերի գործողությունների սերտ համակարգումը Միջերկրական ծովում։
Իսրայելական լրատվամիջոցներն ընդգծում են, որ այս դաշինքը Թուրքիայի տարածաշրջանում ակտիվության ուղղակի պատասխան է և ուղղված է մասնակից երկրների էներգետիկ և տարածքային շահերի պաշտպանությանը։
