ՀՀ վերաքննիչ քրեական դատարանի դատավոր Լուսինե Աբգարյանն արձանագրել է Արագածոտնի թեմի գանձապահի բնակարանի անձեռնմխելիության իրավունքի խախտման փաստը, թեև խուզարկությունը փաստացի կատարված լինելու ուժով ստորադաս դատարանի դատական ակտը չի բեկանել, այս մասին հայտնում է փաստաբան Արմինե Ֆանյանը։
«Դատարանը դատական ակտում նշել է, որ «Նյութերում առկա չէր փաստական տվյալների այն ամբողջությունը, որը կարդարացներ անձի՝ բնակարանի և անձնական կյանքի անձեռնմխելիության սահմանափակումը, հետևաբար հատուկ վերանայման բողոքի փաստարկները՝ խուզարկության կատարման փաստական հիմքի բացակայության մասին հիմնավոր են (...)»:
Դատավոր Լուսինե Աբգարյանն այն քիչ դատավորներից է, ում գործը մակագրվելու դեպքում իրական և տեսանելի արդարադատության վստահություն եմ ունենում: Այդ համոզման եմ եկել դատավորի բազմաթիվ որակյալ որոշումների արդյունքում:
Տիկին Աբգարյան, հարգանքներս» ,- նշել է փաստաբանը։
