Նոյեմբերի 26-ին և 27-ին Մինսկում անցկացվել է «Պետության պաշտպանության և անվտանգության ոլորտում գիտական գործունեության կիրառական ասպեկտները» միջազգային ռազմագիտական գիտաժողովը, որը կազմակերպվել է Բելառուսի Հանրապետության պաշտպանության նախարարության Զինված ուժերի գիտահետազոտական ինստիտուտի կողմից:
Միջոցառմանը մասնակցել են ՀԱՊԿ քարտուղարության, ԱՊՀ ՄԽՎ Գործադիր կոմիտեի և քարտուղարության ներկայացուցիչներ, ՄԱԿ – ի հատուկ զեկուցող, ՀԱՊԿ անդամ պետությունների և մի շարք այլ երկրների պաշտպանական գերատեսչությունների պատվիրակություններ:
«Պատերազմների և զինված հակամարտությունների բնույթի փոփոխման միտումները» թեմայով ողջույնի խոսքով և զեկույցով հանդես եկավ զինված ուժերի գլխավոր շտաբի պետ – Բելառուսի Հանրապետության պաշտպանության նախարարի առաջին տեղակալ Պավել Մուրավեյկոն:
«ՀԱՊԿ քարտուղարության տեղեկատվական և վերլուծական գործունեության մասին» թեմայով զեկույցով հանդես եկավ ՀԱՊԿ քարտուղարության խորհրդատու Պավել Սարգսյանը:
