«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը գրել է.
«Անտարկտիդայի վրայի օզոնային խոռոչը 1992 թվականից սկսված հասել է իր հինգերորդ չափսին, ասվում է ԱՄՆ Ազգային օվկիանոսային և մթնոլորտային վարչության (NOAA) և ԱՄՆ տիեզերական գործակալության՝ NASA-ի համատեղ հայտարարության մեջ։
1987 թվականի սեպտեմբերին ստորագրվել է Երկրի օզոնային շերտի պահպանության Մոնրեալի արձանագրությունը։ Այդ ժամանակ Անտարկտիդայում և Արկտիկայում հայտնաբերվել են հսկայական օզոնային խոռոչներ։ Արձանագրության իրականացումը հանգեցրել է սառնարաններում, օդորակիչներում և այլ սարքավորումներում օզոնը քայքայող քիմիական նյութերի օգտագործման փուլային հրաժարմանը։
«ԱՄՆ Ազգային օվկիանոսային և մթնոլորտային վարչության և NASA-ի գիտնականները հաստատել են, որ Անտարկտիդայի վրայի օզոնային խոռոչը այս տարի հինգերորդն է մեծությամբ 1992 թվականից ի վեր, երբ ուժի մեջ է մտել Մոնրեալի արձանագրությունը», - ասվում է NOAA-ի կայքում տեղադրված հայտարարության մեջ։ NASA-ի օզոնային հետազոտությունների խմբի ղեկավար Փոլ Նյումանը նշել է 2000-ականների սկզբի համեմատ օզոնային խոռոչի փոքրացման միտման մասին։ Դրանք ձևավորվում են սեզոնի ընթացքում ավելի ուշ և վերանում ավելի վաղ»։
