Վրաստանի պետական անվտանգության ծառայության պետ Մդինարաձեն հանդիպել է իր ադրբեջանցի գործընկեր Նագիևի հետ՝ քննարկելու ռազմավարական գործընկերությունը և անվտանգության ոլորտում համագործակցության խորացումը։
«Շեշտը դրվել է գործակալությունների միջև փոխգործակցության ակտիվացման վրա՝ տեղեկատվության և փորձի փոխանակման առումով։ Նշվել է, որ երկու երկրների անվտանգության ծառայությունների միջև համագործակցությունը նպաստում է Վրաստանի և Ադրբեջանի միջև հարաբերությունների ամրապնդմանը և զգալի ներդրում է ունենում տարածաշրջանում խաղաղության և կայունության ամրապնդման գործում», - ասվում է հայտարարության մեջ։
