ԱԺ «Հայաստան» խմբակցության ղեկավար Սեյրան Օհանյանը չի ընդունում իրեն առաջադրված մեղադրանքը. նա հրաժարվել է ցուցմունք տալ։ Այս մասին Քննչական կոմիտեի բակում լրագրողների հետ զրույցում ասաց ինքը՝ Սեյրան Օհանյանը։
Նշենք, որ Սեյրան Օհանյանի նկատմամբ որպես խափանման միջոց կիրառվել է բացակայելու արգելքը։
«Առողջական խնդիրներ ունեի, ինձ զանգահարել են, բուժհիմնարկից են հրավիրել այստեղ։ Հաշվի առնելով, որ 18 ժամվա ընթացքում պիտի մեղադրանք առաջադրվի, ներկայացել եմ քննչական կոմիտե»,–ասաց Օհանյանը ՝ նշելով, որ չի կարող մանրամասնել, թե ինչու համաձայն չէ առաջադրված մեղադրանքի հետ, որովհետև ստրոգրել է նախաքննության գաղտնիք չհրապարակելու մասին փաստաթուղթը։
Նա նշեց, որ թեև ինքը ստորագրել է է նախաքննության գաղտնիք չհրապարակելու մասին փաստաթուղթը, սակայն, ըստ էության, իշխանական պատգամավորների միջոցով իրավապահներն արդեն բացահայտել են առաջադրված մեղադրանի տարբեր դրվագներ։
«Էլ չեմ ասում, որ ելնելով իմ առողջական վիճակից, նրանք պետք է հետաձգեին սա։ Մեկնաբանել են, որ ես առջողական խնդիրներ չունեմ։ Կարող եմ ասել, որ վերջին մեկ ու կես ամսվա ընթացքում մեկ անգամ նախաինսուլտային վիճակ է եղել ինձ մոտ, երկորդը՝ պրոթեզի վերականգման հետ կապված խնդիրներ են եղել, և ես դրանով եմ զբաղված եղել։ Այս տարիների ընթացքում որևէ առիթ չեմ տվել, որ մտածեն, որ առողջական վիճակով թաքնված եմ»,–հավելեց Օհանյանը։
