ՌԴ Պետդումայի պատգամավոր Կոնստանտին Զատուլինը հայտարարել է, որ Ադրբեջանը ոչ դաշնակից է, ոչ էլ ռազմավարական գործընկեր Ռուսաստանի համար։ Նրա խոսքով՝ Մոսկվան պետք է դա հաշվի առնի համագործակցության կամ ներդրումային ծրագրեր պլանավորելիս։
Զատուլինը նշել է, որ Բաքուն գործակցում է Թուրքիայի, Մեծ Բրիտանիայի ու ԵՄ-ի հետ, իսկ Ռուսաստանի հետ կապերի զարգացմամբ հետաքրքրվածությունը նվազում է։ «Ադրբեջանը գործում է իր շահերից ելնելով, և նա չի համարվում մեր ռազմավարական գործընկերը», — ասել է նա։
Ավելի վաղ հայտնի էր դարձել, որ ՆԱՏՕ-ի ներկայացուցիչները համագործակցության քննարկումներ են ունեցել Ադրբեջանի Պաշտպանական համալսարանում՝ ռազմական կրթության ոլորտում, գրում է Лента.ру-ն։
