Լիտվայի իշխանությունները նախատեսում են 1,1 միլիարդ եվրո ներդնել Ռուսաստանի և Բելառուսի հետ սահմաններին պաշտպանական ամրություններ կառուցելու համար։ Նախագիծը նախատեսվում է իրականացնել առաջիկա 10 տարվա ընթացքում, հաղորդում է Լիտվայի պաշտպանության նախարարությունը։ Այս մասին գրում է kommersant.ru-ն:
Միջոցների ամենամեծ մասը՝ ավելի քան 800 մլն եվրո, կծախսվի հակատանկային ականների վրա։ Մնացած միջոցները կուղղվեն, մասնավորապես, էլեկտրոնային պատերազմի միջոցներին և հակաանօդաչուական համակարգերին։ Պետական սահմանի երկայնքով կտեղակայվեն 27 պահեստներ, այդ թվում՝ հակատանկային «ոզնիներ» և «վիշապի ատամներ» պահելու համար։
Ավելի վաղ հաղորդվել էր Լիտվայի, Լատվիայի և Էստոնիայի համատեղ նախագծի մասին՝ միասնական բալթյան պաշտպանական գիծ ստեղծելու մասին։
