Իրանի և Միացյալ Նահանգների միջև անուղղակի բանակցությունների շարունակությունը հետաձգվել է պատվիրակությունների ծրագրերի անհամապատասխանության պատճառով, հայտնել է միջնորդի դերում հանդես եկող Օմանը։
«Լոգիստիկ պատճառներով մենք հետաձգել ենք ԱՄՆ-Իրան հանդիպումը, որը սկզբնապես նախատեսված էր մայիսի 3-ին», - հինգշաբթի օրը սոցիալական ցանցերում գրել է Օմանի արտաքին գործերի նախարար Բադր ալ-Բուսաիդին։
Նրա խոսքով՝ «նոր ամսաթվերը կհայտարարվեն երկու կողմերի համաձայնությունից հետո»։
Իրանի և Միացյալ Նահանգների միջև անուղղակի բանակցությունները սկսվել են ապրիլի կեսերին։
