Opta-ի մասնագետները քառորդ եզրափակիչ փուլի ավարտից հետո գործարկել են սուպերհամակարգիչ և կրկին հաշվարկել թիմերի՝ 2024/25 մրցաշրջանի Չեմպիոնների լիգայում հաղթելու թարմացված հնարավորությունները։

Ըստ հաշվարկների՝ «Արսենալը» ներկայում մրցաշարի գլխավոր ֆավորիտն է․ «զինագործների» հաղթանակի հավանականությունը գնահատվում է 28.7 տոկոս։ Երկրորդ տեղում է «Ինտերը»՝ 25.5 տոկոսով, իսկ ՊՍԺ-ն 24 տոկոսով զբաղեցնում է երրորդ հորիզոնականը։ Ամենացածր շանսերն ունի «Բարսելոնան»՝ 21.8 տոկոս։

Հիշեցնենք, որ կիսաեզրափակչում «Արսենալը» կմրցի ՊՍԺ-ի հետ, իսկ «Ինտերը» կհանդիպի «Բարսելոնային»։ Հանդիպումները կկայանան ապրիլի 29-30-ը և մայիսի 6-7-ը։ Եզրափակիչը տեղի կունենա մայիսի 31-ին՝ Մյունխենում։

Աղբյուրը`ArmSport.am