Եվրոպայի երկրները չեն կարող անհրաժեշտ միջոցներ ձեռնարկել Ուկրաինայի անվտանգությունն ապահովելու համար։ Այս մասին հայտարարել է Եվրամիության արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալլասը։ Նրա խոսքերը մեջբերում է բրիտանական The Guardian թերթը։
«Ոչ», - պատասխանել է եվրոդիպլոմատիայի ղեկավարը լրատվամիջոցների ներկայացուցիչների հարցին՝ կա արդյոք հստակություն Ուկրաինայի անվտանգության կոնկրետ երաշխիքների վերաբերյալ:
Կալլասը նշել է, որ ԵՄ երկրները հստակ պատկերացում չունեն՝ ինչպես կարելի է հրադադարի հասնել առանց ռուսական կողմի վրա ճնշում գործադրելու: «Տարբեր անդամ պետություններ տարբեր կարծիքներ ունեն, երկխոսությունը դեռ շարունակվում է», - հստակեցրել է նա:
