Վլադիմիր Պուտինը հեռախոսազրույցի ժամանակ շնորհակալություն է հայտնել Բելառուսի նախագահ Ալեքսանդր Լուկաշենկոյին։ Այս մասին տեղեկացնում է Բելառուսի նախագահի մամուլի ծառայությունը։
«Վլադիմիր Պուտինը զանգահարել է Ալեքսանդր Լուկաշենկոյին և շնորհակալություն հայտնել նախօրեին առանձնապես վտանգավոր բեռի ամենախոշոր խմբաքանակի՝ պայթուցիկ նյութերի մաքսանենգ ճանապարհով Ռուսաստան տեղափոխումը կանխելու համար։ Ապրանքի ներմուծման փորձը կասեցրել է Բելառուսի մաքսատունը: Հաստատվել է, որ դա հզոր պայթուցիկ է, որի փոքր քանակությունը կարող է հանգեցնել ծանր հետևանքների»,- նշել են մամուլի ծառայությունից։
