Մադրիդի «Ռեալի» համար ընթացիկ մրցաշրջանում 11 մետրանոցները հստակորեն իրացնելը դարձել է կարևորագույն խնդիրներից մեկը։

Marca պարբերականի հաղորդմամբ՝ Լա Լիգայի 30-րդ տուրի «Վալենսիայի» դեմ խաղում (1:2) Վինիսիուս Ժունիորի վրիպումից հետո թիմի գլխավոր մարզիչ Կառլո Անչելոտին որոշել է, որ 11 մետրանոցների հաստիքային իրացնողը կդառնա Կիլիան Մբապեն։

Միևնույն ժամանակ նշվում է, որ այս որոշումը վերջնական չէ, եթե ֆրանսիացին նույնպես չհաջողի, ապա հաջորդ անգամ հնարավորությունը կտրվի Ջուդ Բելինգհեմին։

Հիշեցնենք, որ ավելի վաղ բրազիլացին 11 մետրանոց նշակետից վրիպել էր Չեմպիոնների լիգայի 1/8-րդ եզրափակչի Մադրիդի «Ատլետիկոյի» դեմ պատասխան խաղում (1:0, 2:4)։