Արա Արբրահամյանի  Հայաստան մուտքի արգելքը նախապատմություն ունի։ Դեռևս 2024թ-ի դեկտեմբերի 19-ին մամուլում լուրեր տարածվեցին, որ ՌԴ–ում ՀՀ դեսպան Գուրգեն Արսենյանը ՀՀ ԱԳՆ-ին է փոխանցել ռուսաստանաբնակ հայերի «սև ցուցակ», որոնց մուտքը Հայաստան առաջարկվում է արգելել։ Ցուցակում ավելի քան 550 անուն կա՝ լրագրողներ, մշակույթի գործիչներ, քաղաքագետներ, Ռուսաստանի հայերի միության ներկայացուցիչներ և այլն։

Այդ հրապարակումից օրեր առաջ՝ դեկտեմբերի 15-ին, հայտնի դարձավ, որ արգելվել է քաղաքագետ Անդրանիկ Միհրանյանի մուտքը Հայաստան, ինչը Ռուսաստանում գնահատեցին որպես ոչ բարեկամական քայլ: Նա Հայաստան էր եկել՝ ծնողների գերեզման այցելելու նպատակով, սակայն նրան թույլ չէին տվել «Զվարթնոց» օդանավակայանից մուտք գործել երկիր:

Հենց այդ օրերին իշխանական որոշ ներկայացուցիչներ ակնարկում էին, որ հաջորդը կարգելվի Ռուսաստանի հայերի միության նախագահ Արա Աբրահամյանի մուտքը։

Vesti.am-ի տեղեկություններով՝ Միրհրանյանի հետ նույն չվերթով դեկտեմբերի 15-ին Հայաստան էր ժամանել նաև Արա Աբրահամյանը։ ՌՀՄ նախագահի համար անձնագրային անցակետում էլի մուտքի որոշակի խոչընդոտներ էին ստեղծվել, որոշ ժամանակ սպսեցրել են «Զվարթնոց» օդանավակայունոււմ, ապա նոր՝ թույլատրել։

Դեկտեմբերի 19-ին Vesti.am-ը հարցում ուղարկեց ԱԳՆ՝ հասկանալու համար՝ այդ ցուցակն իրոք կա՞, թե՞ ոչ։ Եթե առկա է, ապա արդյո՞ք Արա Աբրահամյանը ներառված է այդ ցուցակում։ Ըստ տեղեկատվության  ազատության մասին ՀՀ օրենքի՝ հարցմանը պետք է պատասխանեին հնգօրյա ժամկետում, իսկ եթե հնարավոր չէ, ապա տեղեկացներին և պատասխան ուղարկեին մեկամսյա ժամկետում։ Արդեն երեք ամսից ավելի ժամանակ է անցել և, չնայած մեր բոլոր հորդորներին և զանգերին, որ պատասխանեն հարցմանը՝ այնդպես էլ պատասխան չկա։ ԱԳՆ-ի՝, օրենքի խախտմամբ, համառորեն հարցմանը չպատասխանելն, առնվազն, խոսում է նման ցուցակի առկայության մասին, որտեղ ներառված է նաև Ռուսաստանի հայերի միության նախագահ, ՅՈՒՆԵՍԿՕ-ի բարի կամքի դեսպան Արա Աբահամյանը։