Թաիլանդի օդանավակայանները ժամանակավորապես դադարեցրել են գործունեությունը ուժեղ երկրաշարժի պատճառով։ Այս մասին հայտնում է Nation թերթը։
Թաիլանդի բոլոր օդանավակայաններին թռիչքների արգելման հրաման է տրվել»,- գրում է հրատարակությունը։
Միաժամանակ, Բանգկոկի օդանավակայանը սոցցանցերում հայտարարել է, որ շարունակում է աշխատել սովորական ռեժիմով։
Ավելի ուշ ՏԱՍՍ-ը հայտնել է, որ Բանգկոկի օդանավակայանները ընդունում են ինքնաթիռներ, սակայն որոշների վայրէջքի վայրերը փոխվել են։
Mash տելեգրամյան ալիքի փոխանցմամբ՝ Բանգկոկում տեղի ունեցած երկրաշարժի հետևանքով՝ կիսակառույց բարձրահարկ շենք է փլուզվել։ Երկրաշարժի հետևանքով փլուզված կառուցվող շենքի փլատակների տակ մարդիկ կարող են լինել։ Բնակիչներին տարհանում են բարձրահարկ շենքերից։
Երկրաշարժը սկսվել է տեղական ժամանակով 13:30-ին (Երևանի ժամանակով՝ 10:30-ին:
Լրատվամիջոցների տվյալներով՝ ցնցումները տևել են մոտ 10 րոպե։
