Անգլիայի Պրեմիեր լիգայի ակումբները համաձայնեցրել են ամառային տրանսֆերային պատուհանի ժամկետները։ Այս մասին հայտնում է Անգլիայի Պրեմիեր լիգայի պաշտոնական կայքը։
«Տրանսֆերային պատուհանը կբացվի վաղ՝ կիրակի հունիսի 1-ից մինչև հունիսի 10-ը՝ երեքշաբթի, ՖԻՖԱ-ի ակումբային աշխարհի առաջնության հետ կապված գրանցման բացառիկ ժամանակահատվածի պատճառով: Այնուհետև այն կվերաբացվի երկուշաբթի՝ հունիսի 16-ին և կփակվի երկուշաբթի՝ սեպտեմբերի 1-ին»,- ասվում է հաղորդագրության մեջ:
Հունիսի 15-ից հուլիսի 13-ը ԱՄՆ-ում կանցկացվի 2025 թվականի Ֆուտբոլի աշխարհի ակումբային առաջնությունը, որում առաջին անգամ կխաղան 32 թիմեր։ Անգլիայի Պրեմիեր լիգան ներկայացնող մասնակիցների թվում կլինեն «Մանչեսթեր Սիթին» ու «Չելսին»։
