Արեգակնային համակարգի մոտ գերնոր աստղերի բռնկումները կարող են երկրի պատմության մեջ առնվազն երկու խոշոր անհետացման պատճառ դառնալ: Ալիկանտեի համալսարանի աստղաֆիզիկոսների ուսումնասիրությունը ցույց է տվել, որ զանգվածային աստղերի պայթյունները ժամանակին համընկնում են 445 և 372 միլիոն տարի առաջ տեղի ունեցած աղետների հետ: Արդյունքները հրապարակվել են Royal Astronomical Society-ի Monthly Notices-ում:
Գիտնականները վերլուծել են մեր Գալակտիկայում OB տիպի աստղերի մասին տվյալները. հենց նրանք են կյանքն ավարտում հզոր պայթյուններով:
Պարզվել է, որ երկրից 65 լուսային տարի շառավղով գերնոր աստղերի բռնկումների հաճախականությունը համապատասխանում է այն ժամանակաշրջաններին, երբ մոլորակը զանգվածային անհետացումներ էր ապրել:
Այս երկու իրադարձություններն էլ ուղեկցվում էին օզոնային շերտի ոչնչացմամբ, ինչը կարող էր պայմանավորված լինել գերնոր աստղի պայթյունից հետո ճառագայթման հզոր հոսքով:
Գիտնականների հաշվարկներով՝ վերջին մեկ միլիարդ տարվա ընթացքում երկրի կողքին կարող էր տեղի ունենալ մոտ 2-3 նման պայթյուն։ Դրանց հետևանքները կործանարար կլինեին կենդանի օրգանիզմների համար. թուլացած օզոնային շերտը թույլ կտար վտանգավոր ուլտրամանուշակագույն ճառագայթում, որը հանգեցնում է մուտացիաների և էկոհամակարգերի փոփոխությունների:
Այս պահին արեգակնային համակարգը գտնվում է հարաբերական անվտանգության մեջ։ Չնայած Անտարես և Բեթելգեյզ աստղերը պատրաստվում են պայթյունի, դրանք շատ հեռու են գտնվում երկրին վնաս հասցնելու համար:
