Մինսկում բանակցություններ են տեղի ունեցել Բելառուսի պաշտպանության նախարարության ղեկավար Վիկտոր Խրենինի և Իրանի զինված ուժերի պաշտպանության և աջակցության նախարար Ազիզ Նասիրզադեի միջև։ Այս մասին այսօր՝ մարտի 12-ին, հայտնել է Բելառուսի ռազմական գերատեսչությունը։
«Կողմերը քննարկել են երկկողմ ռազմական համագործակցության ներկա վիճակը և նախանշել փոխադարձ հետաքրքրություն ներկայացնող ոլորտներում այն ակտիվացնելու ուղիները»,- ասվում է հաղորդագրության մեջ։
Նշվում է, որ բանակցություններից հետո պաշտպանության գերատեսչությունների ղեկավարները «հարգանքի տուրք են մատուցել Հայրենական մեծ պատերազմի ժամանակ զոհվածներին և ծաղիկներ են դրել Մինսկի Հաղթանակի հրապարակում գտնվող Հաղթանակի հուշարձանին»։
Բելառուսը 2020 թվականից գտնվում է Արևմուտքի «խիստ ճնշման» տակ։ Այդ կապակցությամբ Բելառուսի իշխանությունները որոշել են մեծացնել հանրապետության համագործակցությունը Ասիայի, Աֆրիկայի և Լատինական Ամերիկայի բարեկամ երկրների հետ։
