«Ադրբեջանի թիվ 1 առաջնահերթությունը ռազմակшն հզորության ավելացումն
է»,- հայտարարել է Իլհամ Ալիևըч Միլի մեջլիսի իր ելույթում:
«Աշխարհում տեղի ունեցող գործընթացները, նոր կոնֆլիկտային օջախների ի հայտ գալը, պատերազմներն
ու մեր շուրջ լարվածության աճը, Հայաստանում «ռևանշիստական» (չակերտները՝ խմբ.) միտումները
մեզ ստիպում են անընդհատ ուշադրություն դարձնել ռազմական հզորության հարցին», - ասել
է Ալիևը՝ հավելելով. «Եթե Բաքուն քիչ ուշադրություն դարձնի ռազմական ոլորտին և չապահովի
դրան հատկացվող միջոցների պատշաճ մակարդակը, ապագայում կարող են խնդիրներ առաջանալ»։ Ապա Ալիևը խոսել է ՀՀ-ի ռազմամթերք
ձեռք բերելու մասին, ինչպես նաև սպառնացել այն երկրներին, ովքեր զենք են վաճառում ՀՀ-ին։
«Այն երկրները, որոնք զինում են ՀՀ-ին,
ուղիղ պատասխանատվություն են կրելու ապագայում սպասվող իրադարձությունների համար»,-
ասել է Ալիևը:
Թշնամի պետության ղեկավարը համարում
է, որ իր զինվելն օրինաչափ է, բայց միևնույն ժամանակ ՀՀ-ին էլի սպառնում է, որ եթե
զենք գնի, ապա կդառնա ագրեսոր և բնականաբար ակնարկում է, որ Փաշինյանի երազած «Խաղաղության
պայմանագիրը» չի կնքվի։ Իսկ ի՞նչ սպասվող իրադարձության մասին է խոսքը։ Մեզ նորից պատեազմով են վախեցնում ու սպառնում,
իսկ ՀՀ իշխանությունն այդ սպառնալիքներին համարժեք պատասխան չի տալիս։
Ավելին երեկ Ալիևը ՀՀ-ի կողմից պայմանագրի
չհամաձայնեցված կետերը հանելն ու իրենց ուղարկելը անվանել է «պարզունակ ու ոչ ադեկվատ
քայլ»։ Ալիևի այս դիտարկմանը ՀՀ իշխանությունը, գոնե ԱԳՆ մակարդակով չի անդրադարձել։
Ալիևը նաև հիշեցրել է հերթական նախապայմանի
մասին՝ Մինսի խմբի լուծարում։ «Եթե Հայաստանը նախընտրի պահպանել Մինսկի խումբը, նշանակում
է՝ մեր նկատմամբ նրանց տարածքային նկրտումները դեռ կան»,-հայտարարել է Ալիևը։
Մեկ ձևակերպմամբ՝ Ալիևը ՀՀ-ից պահանջում է չզինել բանակը, բայց վախենալ հետագա
պատերազմից, լուծարել Մինսկի խումբը, փոխել ՀՀ Սահմանադրությունը, մոռանալ Անկախության հռչակագրի գործածության մասին, ինչ-որ միջանցք տալ
իրենց, կարգավորել հարաբերությունները Թուրքիայի հետ, մոռանալ ինչպես Արցախի, այնպես
էլ Հայոց ցեղասպանության մասին, գերիներին չպահանջել, հետ վերցնել Ադրբեջանի դեմ բոլոր
միջազգային հայցերը, 300 հազար ադրբեջանցի բնակեցնել ՀՀ-ում և այդ ամենը՝ մի ինչ-որ
պայմանգիր կնքելու դիմաց, որի գործողության միակ երաշխիքը Ալիևի բարի կամքի դրսևորումն
է լինելու։
