Ես «խաղաղության պայմանագրի» ընդհանուր դրույթներին եմ ծանոթ եւ կդժվարանամ ասել, թե կոնկրետ այդ հոդվածներից որոնք են ամբողջությամբ համաձայնեցված, որոնք ոչ: Այս մասին, այսօր՝ սեպտեմբերի 4-ին, ԱԺ-ում լրագրողների հետ զրույցում ասաց ԱԺ րտաքին հարաբերությունների հանձնաժողովի նախագահ, ՔՊ-ական պատգամավոր Սարգիս Խանդանյանը:
«Մեր սկզբունքային դիրքորոշումն է, որ Ալմաթիի հռչակագիրը լինի քաղաքական հիմք սահմանազատման գործընթացի համար, եւ որը ամրագրվել է կանոնակարգում: Նաեւ միջազգային իրավունքի իրավաբանական լեզու է, որն ավելի բարձր ստատուս ունեցող փաստաթուղթը կարող է այլ սկզբունք ամրագրել, բայց նման բան չի քննարկվում: Դա իրավական տեխնիկայի հարց է, որ նման ձեւակերպում կա կանոնակարգում»,-ասաց նա:
Խանդանյանը վստահեցրեց, որ կողմերը համաձայնության են եկել, որ Ալմաթիի հռչակագիրը խաղաղության պայմանագրում ամրագրվի. «Քաղաքական մակարդակում դա եղել է եւ փաստաթղթում եւս դա համաձայնեցված է: Մեր սկզբունքային դիրքորոշումն այն է, որ այդպես էլ պետք է մնա»:
