Հունվարի 14-ին մամուլը գրեց «Շտապ օգնության»
ծառայության բժշկին բռնության ենթարկելու հերթական դեպքի մասին։ Շտապ օգնության 28
ամյա բժիշկը Vesti.am-ի հետ զրույցում
չցանկացավ, որպիսի անձանական տվալներ հրապարակվեն, սակայն պատրաստակամ պատասխանեց հարցերին։
-
Բժի՛շկ, հիվանդն
ի՞նչ գանգատներով էր զանգահարել շտապ օգնություն։
-
Հունվարի 13-ին, առավոտյան, հերթափոխն ընդունելուց անմիջապես
հետո, կանչ ենք ստացել Նորաշեն 16-րդ թաղամասի 33 շենքի մեզ քաջ ծանոթ հասցեից։ 09։05
ստացվել է կանչ, 09։10 արդեն հասցեում էինք։ Վերջին 3 ամսվա ընթացքում այդ հասցեից հաճախակի
ենք կանչ ստանում։ 41-42 տարեկան բուժառուն ունի թոքի քաղցկեղ, հիվանդությունը գտնվում
է բարդ փուլում՝ մետաստազներ և այլն։ Իմ տեղեկություններով բուժառուն հրաժարվել է նաև
քիմեոթերապևտիկ բուժում ստանալուց։ Հիմա ստանում է ամոքիչ բուժում՝ ցավազրկողների
միջոցով։ Եղել են դեպքեր, երբ օրվա ընթացքում 3-5 կանչ է տվել, պարբերաբար այցելում
ենք և ցավազրկում։
-
Ի՞նչից սկսեց վիճաբանությունը։
-
Երբ ներս մտանք, հիվանդի մայրն (ծեր կին է) ասաց, որ մեզ կանչել
են, որպիսի ներարկենք «Տրամադոլ» դեղորայք, որը պարունակում է նաև թմրանույթ և հսկվող
դեղորայքի շարքից է։ Նշեց, որ իրենք խոսել են իրենց բժշկի հետ և վերջինս էլ ասել է,
որ Շտապ օգնություն կանչեն և մենք դա ներարկենք։ Նշեց նաև, որ սպասպել են միչև առավոտյան
09։00-ն, որ հերթափոխը փոխվի և այդ դեղի քանակը
բրիգադի մոտ վերջացած չլինի։
-
Ունե՞ր բուժառուն
այդ դեղորայքի կարիքը։
-
Ո՛չ։ Հիվանդին զննելուց հետո պարզ էր, որ նա ադեկվատ է, ցավային
շոկ առկա չէ, զարկերակային ճնշումը նորմալ էր, կարողանում էր վեր կենալ, նստել, կանգնել,
իսկ հետո պարզվեց, որ կարող է աթոռ վերցնել և հարվածներ հասցնել։ Գտել եմ, որ «Տրամադոլ»
դեղորայքի կարիք չկա և ասել եմ դրա մասին: Իրենք պնդեցին, որ պարտավոր ենք ներարկել
և՛ այլն, և՛ այլն։ Տվյալ հիվանդը նաև մորֆին է ստանում պոլիկլինիկայից,
հատուկ դեղատոմսով՝ մեկ շաբաթվա համար։ Երբ շաբաթն ավարտվում է տանում են, դատարակ սրվակները
հանձնում են և նորը ստանում։ Հնարավոր չէ վերահսկել, թե 1 շաբաթվա կուրսը քանի օրում
է սպառել։ Համենայն դեպս ինձ ասացին, որ նախորդ օրը վատ է զգացել և մի քանի անգամ ներարկել են, ինչը չի թույլատրվում։ Սա և լարված մթնոլորտը հաշվի առնելով՝ իրեն ասել եմ, որ ներարկվում է «Տրամադոլ» դեղը, սակայն բուժքրոջն այլ դեղորայք ասացի,
որ հավաքի։ Սա ընդունված է, հոգեբանորեն հիվանդը, երբ մտածում է, որ ստանում է իր ցանկալի
բուժումը, ապա ազդեցությունն էլ իր համար ցանկալի է դարձնում հոգեբանորեն։ Սակայն հիվանդն ինձնից պահանջեց ցույց
տալ «Տրամադոլ» դեղի դատարկ սրվակը: Ասացի, որ չեմ պատրաստվում դա ներարկել, քանի
որ դրա կարիքը չկա։ Օֆիոիդները, շատ ներարկելիս, կարող են շնչառության կանգ առաջացնել և
մարդը մահանա ներարկված դեղորայքից։ Սա բացատրեցի և՛ իրեն, և՛ իր մայրիկին։ Երբ վերջապես
նորից կրկնեցի, որ «Տրամադոլ» չեմ ներակելու, ագրեսիվացավ, ոտքով հարվածեց, աթոռը շպրտեց
իմ ուղղությամբ, տեղից վեր կացավ, բորբոքվեց։
-
Ի՞նչ եղավ հետո, որևէ մեկը փորձե՞ց իրեն հանգստացնել։
-
Իմ հորդորներին հաջորդեց այն, որ նա աթոռը վերցրեց և հարձակվեց
վրաս: Հետո վիճաբանությանը միացան նրա երկու որդիները, երեքով ինձ գցեցին գետնին և
սկսեցին ծեծել: Մոտ 5րոպե գետին ընկած ծեծում էին՝ մասնավորապես դեմքիս հարվածելով։
Դա տևեց այնքան ժամանակ միչև հիվանդի մայր պառկեց ինձ վրա և ասաց, որ դադարեն, պետք
չէ, որ իրենց տան մեջ բժիշկ սպանեն։ Վեր եմ կացել տեղիս, դեմքս ամբողջությամբ այրուն
էր, թույլ տվեցին իրենց տանը լվացվել և գնացել եմ հիվանդանոց՝ թվում էր քիթս եմ կոտրել,
դողում էի, ունեի սրտխառնոց, զգում էի, որ ուղեղի ցնցման ախտանիշներ կան մոտս։
-
Իսկ ի՞նչ են կարողացել
անել բուժքույրը և շտապ օգնության վարորդը։
-
Վարորդը սպասում էր մեքենայում և տեղակ չի եղել, թե ներսում
ինչ է կատարվում։ Բուժքույրը տարիքով կին է, զանգահարել է ոստիկանություն և մեր վերադասին։
-
Ոստիկանության աշխատակիցներին
հանդիպեցի՞ք կանչի հասցեում։
-
Ո՛չ արագ գնացի հիվանդանոց՝ հետազոտություններ անցնելու։ Ոստիկանության
ծառայողները եկան հիվանդանոց և տեղեկացրին, որ վարույթ է նախաձեռնվել և այդ անձինք ձերբակալված են և եթե ի վիճակի եմ, գնամ
բաժանմունք ցուցմունք տալու։
-
Հետազոտություններն
ի՞նչ ցույց տվեցին։
-
Ինձ մոտ ախտորոշվել է ուղեղի ցնցում, դիմային շրջանի քերծվածքներ
և քթի սալջարդ։ Աառջարկել են ստացիոնար բուժում, որից հրաժարվել եմ: Մի քանի օր է՝ արձակուրդում
եմ, բայց շուտով նորից դուրս կգամ աշխատանքի։
Գնացել եմ նաև դատաբժշկի,
ոստիկանությունում հարցաքննվել եմ, բայց դեռ ինձ հետ կապ չեն հաստատել։
Իմ տեղեկություններով՝ դատաբժիշկն արձանագրել է թեթև մարմնական վնասվածքներ, իսկ 3 ձերբակալված անձինք ստորագրությամբ բաց են
թողնվել։
