Սոթքի հանքը տևական ժամանակ է չի կատարում
իր բուն գործունեությունը։ Այս պահին աշխատանքներ ընթանում են միայն գետնահորում։ Տեղեկությունը Vesti.am-ին փոխանցեց Գեղամասար համայնքի
նախկին ղեկավար Հակոբ Ավետյանը։
«Բաց հանքը, կարելի է ասել, չի աշխատում։
Աշխատողները դեռ հարկադիր պարապուրդի մեջ են և որոշակի գումարներ ստանում են, սակայն
շուտով նրանց եծ մասը աշխատանքից կազատվեն։ Հանքը, անվտանգությունից ելնելով, չի աշխատում,
կրակոցներ կան։ Բացի այդ, հանքի հարուստ պաշարները ադրբեջանցիների վերահսկողության տակ են»,-
նշեց Հակոբ Ավետյան։
Նախկին համայնքապետի խոսքով հանքը
1000-ից ավելի աշխատող ուներ, ֆինասական մեծ բեռ է ավելանում բնակիչների համար։
«1000 ընտանիք կարողանում էր իր ֆիրասական
խնդիրը լուծել։
Հիմա մարդիկ կա՛մ պետք է տարածքը լքեն, կա՛մ էլ այլ աշխատանքի փնտրտուքով զբավեն։ Մեր
տարածաշրջանում մեծ եկամտի աղբյուրը փակվեց։ Հիմա շատերը մեկնել են արտագնա աշխատանքի։
Հանքը չաշխատելու այլընտրանքը երկիրց դուրս աշխատանք գտնելն է»,- նշեց Ավետյանը։
Ըստ տնտեսագետ Սուրեն Պարսյանի՝ Սոթքի հանքում
ներգրավված է 1600-1800 աշխատակից, որոնց միջին ամսեկան աշխատավարձը 400-500 հազար
դրամ է։ Վարդենիսի տարածաշրջանի, կարելի է ասել, միակ եկամտի աղբյուրն է, մյուս մասը
բաժին է ընկնում գյուղատնտեսությանը։
«Սոթքի գործունեության դադարեցումից
տուժելու են ոչ միայն հանքի աշխատողները, այլ ,օրինակ՝ երկաթգծի աշխատողները, քանի որ
Սոթքի հանքանյութի տեղափոխումը Արարատի կոմբինատ իրականացվում է երկաթուղու միջոցով։
Երկաթուղու պատվերի 50 տոկոսը հանքն է ապահովում։ Հիմա երկաթուղին էլ է հայնտվել պարապուրդի
վիճակում։ Այստեղ ևս կարող են աշխատատեղերի կրճատումներ լինել: Բացի այդ կարելի է կրճատումներ
կանխատեսել Արարատի ոսկու կորզման գործարանում ևս։ Այդ ազդեցությունը զգալու են հանքը սպասարկող
բոլոր ձեռնակրությունները՝ սկսած ձեռնոց մատարարող ընկերությունից»,- նշեց տնտեսագետ Սուրեն
Պարսյանը։
