Ռուսաստանի նախագահ Վլադիմիր Պուտինը միշտ հանգստություն է պահպանում դժվարին իրավիճակներում, այդպիսին է եղել նրա արձագանքը Կրեմլի վրա անօդաչու թռչող սարքի հարձակմանը, հինգշաբթի լրագրողներին ասաց պետության ղեկավարի մամուլի քարտուղար Դմիտրի Պեսկովը։
«Դուք գիտեք, որ նախագահը միշտ պահպանում է հանգստություն, սառնասրտություն, հստակություն գնահատականներում և հրահանգներում, որոնք տալիս է դժվարին, ծայրահեղ իրավիճակներում, հետևաբար, այս առումով ոչ մի նոր բան տեղի չի ունեցել»,- ասել է Կրեմլի խոսնակը։
Կրեմլում իրավիճակը մնում է նորմալ, բոլորն աշխատում են բնականոն հունով անօդաչու սարքերի հետ կապված միջադեպից հետո, ասել է Պեսկովը։
«Սովորական, աշխատանքային միջավայր է, բոլորն աշխատում են, ամեն մեկն իր տեղում է»,- ասել է Կրեմլի խոսնակը։
Ավելի վաղ հայտնել էր Ռուսաստանի ղեկավարի մամուլի ծառայությունը, չորեքշաբթի գիշերը Կիևը փորձել է անօդաչու սարքերի օգնությամբ հարվածներ հասցնել նախագահի Կրեմլի նստավայրին։
Ռուսական ռազմական և հետախուզական ծառայություններն արագ անջատել են երկու անօդաչու թռչող սարքեր, որոնք ուղղված էին Կրեմլի վրա։ Կրեմլը դա համարում է ծրագրված ահաբեկչություն և նախագահի դեմ մահափորձ։ Ռուսաստանի Դաշնությունն իրեն իրավունք է վերապահում ձեռնարկել այնպիսի պատասխան միջոցներ, որոնք անհրաժեշտ կհամարի։
