Եվրախորհրդարանական Պետեր Վան Դալենը ԵՄ դիվանագիտության ղեկավարին կոնկրետ գործողությունների կոչ է արել Լաչինի միջանցքի ապաշրջափակման համար։
«Լեռնային Ղարաբաղի ադրբեջանական շրջափակման դաժան հետեւանքները՝ դատարկ խանութներ եւ հուսահատված մարդիկ։ Ինչո՞ւ է ԵՄ-ը լռում։ Ես չեմ հասկանում։ Ժոզեպ Բորելը պետք է հիմա գործի»,- գրել է նա Թվիթերում՝ անդրադառնալով BBC-ի՝ Լեռնային Ղարաբաղի իրավիճակի մասին հոդվածին։
Հիշեցնենք, որ դեկտեմբերի 12-ի ժամը 10.30-ից ադրբեջանցիների խումբը, իբր, բնապահպանական պատճառներով, փակել է Ստեփանակերտ-Գորիս ճանապարհը՝ առաջադրելով նաեւ քաղաքական պահանջներ։ Արցախի շրջափակումը շարունակվում է։
