Մեծ Բրիտանիայի կառավարությունը սպառնում է արգելափակել Շոտլանդիայի նոր օրենքը, որը սահմանում է ինքնության համակարգ այն մարդկանց համար, ովքեր ցանկանում են փոխել սեռը, գրում է The Guardian-ը:
Տրանսգենդերների իրավունքների շուրջ լարվածությունը տեղափոխվում է սահմանադրական ասպարեզ։ Վեսթմինսթերը հստակ հասկացրել է, որ կքննարկի օրինագծի ընդունման արգելափակումը՝ քայլ, որը կզայրացնի փոփոխությունների կողմնակիցներին եւ ազգայնականներին: Շոտլանդիայի կառավարությունը խոստացել է «վճռականորեն պայքարել» ցանկացած նման միջամտության դեմ։
Առաջին նախարար Նիկոլա Սթերջենը Սունակին եւ նրա կառավարությանն անվանել է «բացասական դեմոկրատներ» այն բանից հետո, երբ հոկտեմբերին Գերագույն դատարանը որոշել է, որ Շոտլանդիան չի կարող օրինականորեն անցկացնել անկախության մեկ այլ հանրաքվե՝ առանց Վեսթմինսթերի հաստատման: Որոշումը հանգեցրել է վերջին ամսվա ընթացքում անկախության օգտին ձայների թվի ավելացմանը։
Շոտլանդիայի կառավարությունը ողջունել է սեռափոխության գործընթացը պարզեցնելու, ինչպես նաեւ 16 եւ 17 տարեկան երեխաների համար սեռափոխության վկայականի (GRC) թույլտվություն ստանալու կարգավորված համակարգն ընդլայնելու մասին օրենքը:
Կանանց եւ հավասարության նախարար Քեմի Բադենոխը, որը հանդիպել է Շոտլանդիայի կառավարության իր գործընկեր Շոնա Ռոբիսոնի հետ՝ օրինագիծը քննարկելու համար, քվեարկությունից հետո ասել է, որ Շոտլանդիայի կառավարությունը «ամբողջությամբ չի քննարկել իր օրինագծի հետեւանքները հատկապես կանանց եւ աղջիկների կյանքի համար»։
