ՆԱՏՕ-ի բոլոր անդամները միանգամայն համակարծիք էին, որ Հայաստանը, Վրաստանը և Ադրբեջանը պետք է ներկա լինեին ՆԱՏՕ-ի արտգործնախարարների հանդիպմանը: Այս մասին ճեպազրույցի ժամանակ հայտարարել է ՆԱՏՕ-ում ԱՄՆ մշտական ներկայացուցիչ, դեսպան Ջուլիան Սմիթը՝ պատասխանելով հարցին, թե ինչպես է գնահատում Հարավային Կովկասում Ռուսաստանի սպառնալիքի ներկա մակարդակը։
«Մենք ցանկանում ենք գտնել ուղիներ՝ ուժեղացնելու մեր աջակցությունն այս երկրներին՝ այն առումով, թե ինչ ազդեցություն է ունենում Ուկրաինայում պատերազմը նրանց վրա, ինչպես նաև ուղիներ փնտրել՝ զարգացնելու այդ կարևոր գործընկերությունը», - նշել է պաշտոնյան:
ՆԱՏՕ-ի նախարարական հանդիպումն ընթանում է Ռումինիայի մայրաքաղաք Բուխարեստում՝ նոյեմբերի 29-30-ը:
