Հերթական անգամ Սենատը հայտնվել է բարձունքի վրա՝ քվեարկելով Ադրբեջանի դեմ պատժամիջոցներ սահմանելու և Հայաստանին աջակցելու օգտին։ Այս մասին գրել է Ֆրանսիայի Սենատի անդամ, Ֆրանսիա-Հայաստան բարեկամական խմբի փոխնախագահ Վալերի Բուայեն։
«Հենց խորհրդարանական դիվանագիտությունն է, որ թույլ կտա Ֆրանսիային չամաչել պատմության համար»,- գրել է Բուայեն։
Հիշեցնենք՝ քիչ առաջ Ֆրանսիայի Հանրապետության Սենատնն ընդունել է Հայաստանին աջակցող և Ադրբեջանի նկատմամբ պատժամիջոցներ առաջարկող բանաձև։
Արցախի Հանրապետության արտաքին գործերի նախարարությունը ողջունում է նոյեմբերի 15-ին Ֆրանսիայի Սենատի կողմից ընդունված բանաձևը, որը դատապարտում է Ադրբեջանի ագրեսիվ և հայատյաց քաղաքականությունը Հայաստանի և Արցախի նկատմամբ։
