Ռուսաստանում գնահատում են Ադրբեջանի օրինակելի վերաբերմունքը ռուսաց լեզվի եւ ռուսական մշակույթի հանդեպ։ Այս մասին այսօր Բաքվում ունեցած ասուլիսի ժամանակ հայտարարել է Ռուսաստանի ԱԳ նախարար Սերգեյ Լավրովը։
«Մենք շարունակում ենք բազմապատկել մեզ ժառանգություն հասած բարեկամությունը, որը դարերով է կապել մեր ժողովուրդներին։ Գնահատում ենք ադրբեջանցի բարեկամների օրինակելի վերաբերմունքն ռուսաց լեզվի եւ ռուսական մշակույթի հանդեպ»,- ասել է նախարար Լավորվը, նշելով, որ երկու երկրները շարունակում են զարգացնել հարաբերությունները նաեւ մշակույթի ոլորտում։
