Հունիսի 17-ին Հավաքական անվտանգության պայմանագրի կազմակերպության (ՀԱՊԿ) Անվտանգության խորհրդի քարտուղարների կոմիտեի (ԱԽՔԿ) նիստը տեղի կունենա Երեւանում։ Այս մասին տեղեկացրել է ՀԱՊԿ-ի մամուլի քարտուղար Վլադիմիր Զայնետդինովը։
Նիստը կնախագահի Հայաստանի Անվտանգության խորհրդի քարտուղար Արմեն Գրիգորյանը, կմասնակցի ՀԱՊԿ գլխավոր քարտուղար Ստանիսլավ Զասը։
Նշվել է, որ նիստն ընթանալու է նեղ շրջանակով եւ լիագումար նիստի ձեւաչափով։ Նախատեսվում է քննարկել ՀԱՊԿ-ի անդամ պետությունների մարտահրավերների եւ սպառնալիքների չեզոքացման միջոցները։
Քարտուղարների կոմիտեի հաստատմանն են ներկայացվելու 2023թ. ՀԱՊԿ-ի հավաքական անվտանգության համակարգի ուժերի եւ միջոցների կազմավորման եւ կառավարման մարմինների համատեղ պատրաստման պլանը եւ մի շարք այլ փաստաթղթեր։
