ԲԴԽ նախագահ (լիազորությունները դադարեցված) Ռուբեն Վարդազարյանն ԱԺ քննիչ հանձնաժողովի հարցերին պատասխանելիս նշեց․ «Ջհանգիրյանն անձամբ ասել է՝ ցանկալի է հրաժարական տամ, ինքն աշխատի ԲԴԽ նախագահ»։ Հիմա փաստացի ԲԴԽ նախագահ է աշխատում Գագիկ Գհանգիրյանը։ Vesti.am-ը փորձեց հարց ուղղել և լսել նաև ԲԴԽ նախագահ Գագիկ Ջհանգիրյանի տեսակետը,  ով, սակայն հայտարարաեց, որ պատրաստ չէ, որևէ հարցի պատասխանել և անջատեց հեռախոսը։ ԲԴԽ մամուլի խոսնակ Լիլիթ Շաբոյանն էլ ասաց, որ կփորձի մեկանբանություն ստանալ Ջհանգիրյանից։  ԲԴԽ նախագահի պահվածքից կարելի է ենթադրել, որ վերջիս Վարդազարյանի պնդմանը հակասող որևէ բան չունի ասելու և Վարդազարյանը ճիշտ է։ Սա ճնշում գործադրե՞լ է, թե՞ ոչ, գնահատական պետք է տա իրավական համակարգը կամ էլ Ջհանգիրյանի այդ պաշտոնին գործուղած քաղաքական թիմը։

Մի շարք գիտնական-իրավաբանների պնդմամբ օրենքը թույլ չի տալիս, որ այդ տարիքի անձն աշխատի ԲԴԽ նախագահի պաշտոնում։ Այս փաստի առթիվ «Հայաստան» դաշինքը նաև դիմել է Սահմանադրական դատարան։ Վերջինս՝ սկսելով գործի քննությունը (սահմանադրականության խնդիրն ակնհայտ է) զարմանալիորեն որոշեց այն հետաձգել մինչև 2022 թվականի ապրիլի 19-ը: Որպես հիմնավորում նշվել է «լրացուցիչ ուսումնասիրություններ կատարելու անհրաժեշտություն»: Հետաքրքրական է, թե ի՞նչ ճշտումներ պետք է անի ՍԴ-ն ն՝ օրենքի պահանջն ընթերցի՞, թե՞ Ջհանգիրյանի ծննդյան տարեթիվը ճշտի։ 

Տարբեր հրապարակումներ կային նաև Ջհանգիրյանի ունեցվածքի հետ կապված։ Նա նախկինում եղել է այն պաշտոնյաններից, ովքեր դյակներ ունեն և ըստ իշխանության այդ դղյակները պետք է խլվեին և վերադարձվեին ՀՀ հպարտ քաղաքացիներին։