Բրիտանական Sky Sports-ի տեղեկությամբ` «Միլանի» հարձակվող Զլատան Իբրահիմովիչը կտեղափոխվի շվեդական «Համարբյու»:
Աղբյուրի հաղորդմամբ` «Միլանն» ու հարձակվողը չեն երկարաձգի պայմանագրի ժամկետը, որը նախատեսված է մինչև օգոստոսի 31-ը:
Մինչ այդ նշվում էր, որ մեծ հավանականությամբ Իբրահիմովիչը չի մնա «Միլանում», քանի որ որոշակի խնդիրներ կան:
Դրանից հետո տեղեկություններ տարածվեցին, որ Իբրահիմովիչի ծառայություններով հետաքրքված են այլ իտալական ակումբներ, այդ թվում նաև «Ռոման»: Իսկ ինքը՝ Զլատանը, մի քանի անգամ հայտարարել էր, որ ցանկանում է կարիերան ավարտել հայրենիքում:
Հիշեցնենք, որ Իբրահիմովիչը համարվում է «Համարբյուի» համասեփականատեր: Պանդեմիայի շրջանում նա մարզվել է հենա այդ ակումբի կազմում:
