Ռուսաստանի քաղաքաշինության նախարար Յակուշեւն ու նրա տեղակալ Դմիտրի Վոլկովը վարակվել են կորոնավիրուսով, հաղորդում է ՏԱՍՍ-ը՝ հղում անելով քաղաքաշինության նախարարության մամուլի ծառայությանը:
«Բուժում կստանամ բժիշկների հսկողության ներքո քաղաքային հիվանդանոցներից մեկում: Մնում եմ կապի մեջ»,-մամուլի ծառայությունը մեջբերել է Յակուշեւի խոսքերը:
Նախարարի ժամանակավոր պաշտոնակատար է նշանակվել տեղակալ Նիկիտա Ստասիշինը: Մամուլի ծառայությունում հավելել են, որ Յակուշեւի եւ Վոլկովի ախտորոշումը հաստատվել է համակարգչային տոմոգրաֆիայի արդյունքում:
Հինգշաբթի ՌԴ վարչապետ Միխայիլ Միշուստինը հայտնել էր իր կորոնավիրուսի թեստի դրական արդյունքի մասին:
