Շոտլանդացի Թիերի Քոփլանդը պատմել է, որ իր 7-ամյա որդին՝ Ջեյսը շնորհավորական բացիկ-նամակ է ուղարկել հորը, որը մահացել է 4 տարի առաջ և չի էլ սպասել, որ նամակն արձագանք կունենա։
Կինը ֆեյսբուքյան իր էջում գրել է հուզիչ այս պատմության մասին, որով կիսվել է շուրջ 200 հազար մարդ։ Նա պատմել է, որ որդին գրել է նամակը, շնորհավորելով հոր ծննդյան տարեդարձը և այն տվել է փոստատարին՝ խնդրելով նրան այն հասցնել երկինք։
Եվ ահա, փոքրիկ տղան ստանում է պատասխան նամակ՝ փոստի աշխատողի կողմից։ Տղամարդը գրում է, որ այդքան կարևոր նամակը տեղափոխելու ճանապարհին խնդիրներ են առաջացել, սակայն դրանք լուծվել են և բացիկը հասել է նշված հասցեով։
«Թանկագին Ջեյս, ես պարզապես ուզում էի հայտնել, որ մեզ հաջողվել է հասցնել այդ կարևոր նամակը ձեր հայրիկին՝ երկինք։ Սակայն ճանապարհին հեշտ չէր խուսափել աստղերից և այլ գալակտիկական օբյեկտներից։ Վստահ եղիր՝ այն տեղում է»։
Թիերի Քոփլանդը գրել է, որ իր որդին շատ երջանիկ է եղել նման պատասխան ստանալով։ Նա շնորհակալություն է հայտնել փոստի աշխատակիցներին, որոնք, նրա խոսքով, պարզապես կարող էին անտեսել փոքրիկ անծանոթ տղայի սրտի խոսքը։
Vesti.am
