Իտալիայում ռեկորդային տաք եղանակի պատճառով ամբողջությամբ անհետացել է լեռնային Կապույտ լիճը կամ Լագո Աձուրոն։ Այդ մասին գրում է «РИА Новости»-ն՝ հղում անելով «GreenMe»-ին:

Նշվում է, որ այն գտնվում էր Սոնդրիո նահանգում՝ Ալպերում,  1853 մետր բարձրության վրա։

Լճի բացակայության մասին պատմել է Մարկո Պուգլիզեն, որը գնացել էր այն լուսանկարելու:

«Պետք է մտածել ջուրն անտեղի չվատնելու մասին։ Ինձ համար ցավոտ էր տեսնել Լագո Աձուրոյի վիճակը»,-ասել է Մարկո Պուգլիզեն՝ հայտնելով, որ Կոմո լճի ջրի մակարդակը նույնպես իջել է, ինչի պատճառը կարող են լինել երկարատև շոգ եղանակը և ոչ բավարար քանակի տեղումները։

2005 և 2006 թվականներին լիճը  կրկին ցամաքել էր։ Կարծում էին, որ այն ընդմիշտ էր անհետացել։ Բայց 2007 թվականի ամռանը  լիճն արհեստական ճանապարհով լցնելուց հետո այն կրկին սկսել է բնական ճանապարհով ջրով լցվել։

Լագո Աձուրոն ընդգրկված է «Բնության վայր, որը չպետք է մոռանալ» ցուցակում, որը կազմել է Շրջակա միջավայրի պահպանության իտալական հիմնադրամը։

Vesti.am