Հոկտեմբերի 7-ին Երևանում Ֆրանկոֆոնիայի մշտական խորհրդի նիստի բացմամբ մեկնարկեցին ֆրանկոֆոնիայի օրերը Հայաստանում: Վեց օր շարունակ Ֆրանկոֆոնիայի 17-րդ գագաթնաժողովի շրջանակներում մայրաքաղաքում և դրանից դուրս կկազմակերպվեն տասնյակ միջոցառումներ: Դրանց մասնակցելու նպատակով այս օրերին Հայաստան  են ժամանաել  84 անդամ պետությունների և կազմակերպությունների պատվիրակություններ, այդ թվում՝ շուրջ 38 երկրների պատվիրակություններ՝ պետության ղեկավարների մակարդակով: Նրանց թվում են Կանադայի վարչապետ Ջասթին Թրյուդոն և Ֆրանսիայի նախագահ Էմանուել Մակրոնը, որոնք    Հայաստան են ժամանել հոկտեմբերի 10-ին ՝աշխատանքային այցով:

Հոկտեմբերի 10-ին  «Թումո» ստեղծարար տեխնոլոգիաների կենտրոնում անցկացվեց տնտեսական ֆորում, որին մասն Արմեն  Սարգսյանը, ինչպես նաև ռոբոտ Սոֆյան:

Ֆրանկոֆոնիայի միջոցառումների կարևոր բաղադրիչներից էր «Ֆրանկոֆոնիայի ավանը», որի պաշտոնական բացումը տեղի ունեցավ  հոկտեմբերի 9-ին:

Հայաստանյան գագաթնաժողովի կարգախոսն է` «Ապրել միասին»:

 Այսօր  Ֆրանսիայի նախագահ Էմանուել Մակրոնը կայցելի Ծիծեռնակաբերդի հուշահամալիր, այնուհետև տեղի կունենա  պատվիրակությունների  պաշտոնական դիմավորման արարողություն, ընտանեկան լուսանկար: Այսօր նախատեսված է նաև  կազմակերպության նդամակցության կամ կարգավիճակի փոփոխության մասին հայտերի քննարկում: Իսկ 19:30-ին Հանրապետության հրապարակում կմեկնարկի Գալա համերգը:

 Նշենք, որ Ֆրանկոֆոնիան   միջազգային կազմակերպություն է` հիմնադրված 1970թ., որպես ֆրանսերենի և համընդհանուր արժեքների ամրագրման և տարածման հաստատություն: Ֆրանսերենով կազմակերպության ամբողջական անունն է` «Organisation Internationale de la Francophonie»: Կազմակերպությունն ունի  54 լիիրավ, 4 ասոցացված և 26 դիտորդի կարգավիճակ ունեցող պետություններ:

Որոշում կայացնող քաղաքական մարմինը ֆրանսախոս երկրների և կառավարության ղեկավարների համաժողովն է՝ Ֆրանկոֆոնիայի գագաթնաժողովը:

Հայաստանը  Ֆրանկոֆոնիայի միջազգային կազմակերպությունում դիտորդի կարգավիճակ ստացավ 2003 թվականին, իսկ  2008թ-ին   դարձավ ասոցիացիայի անդամ,  2012թ-ին` լիիրավ անդամ:

Vesti.am