Շախմատի համաշխարհային օլիմպիադայում հաջողությունը շարունակում է ուղեկցել մեր հավաքականներին: Այդ մասին հայտնում են ՀԱՕԿ լրատվական բաժնից:
7-րդ տուրում Հայաստանի տղամարդկանց թիմը առավելության հասավ /2,5 : 1,5 / բելառուսների նկատմամբ: Նույն հաշվով մեր կանանց ընտրանին հաղթեց ամերիկուհիներին և 13 միավորով սկսեց գլխավորել մրցաշարային աղյուսակը: Հայաստանի տղամարդկանց հավաքականը 12 միավորով չորրորդ տեղում է:
Բաթումիում ընթացող շախմատի համաշխարհային մարզահանդեսի ավարտին մնացել է չորս տուր:
