Նախօրեին Վերաքննիչ դատարանը բավարարեց ՀՀ երկրորդ նախագահ Ռոբերտ Քոչարյանի նկատմամբ առաջին ատյանի դատարանի կողմից կալանավորումն ընտրելու վերաբերյալ պաշտպանների բողոքը, և Ռոբերտ Քոչարյանն ազատ արձակվեց: Այդ մասին գրում է «Փաստինֆո»-ն:
Դատարանը՝ նախագահությամբ Ալեքսանդր Ազարյանի, վերացրեց Քոչարյանի նկատմամբ խափանման միջոց ընտրված կալանավորման որոշումը՝ հաշվի առնելով, որ Քոչարյանն անձեռնմխելի է:
Այս ամենից հետո Հատուկ Քննչական ծառայությունը հայտարարեց, թե որոշման վերացումն ապօրինի է և, որ վերաքննիչ քրեական դատարանը դուրս է եկել իր լիազորությունների շրջանակից:
Միևնույն ժամանակ նախաքննական մարմինը հույս էր հայտնել, որ նախաքննության նկատմամբ դատավարական ղեկավարում իրականացնող կառույցը՝ դատախազությունը, վճռաբեկ բողոք կներկայացնի:
Դատավոր Ալեքսանդր Ազարյանը «Փաստինֆո»-ի թղթակցի հետ զրույցում ՀՔԾ-ի հայտարարությունները շատ բացասական գնահատեց:
«Իմ համոզմամբ անթույլատրելի է նման հայտարարություններ անել՝ առանց որոշմանը ծանոթ լինելու, առանց տեղեկանալու, թե ինչ պատճառաբանություններ են տեղ գտել որոշման մեջ: Կարծում եմ նաև նման արտահայտություններով որոշ պաշտոնատար անձինք որդեգրել են հաճոյանալու քաղաքականություն, խոսքը վերաբերում է ոչ միայն ՀՔԾ-ին»,- ասաց Ալեքսանդր Ազարյանը:
Առավել մանրամասն՝ սկզբնաղբյուրում:
